الشيخ / يوسف المجيد العبدلي( رحمة الله )
وهذه قصيدة من قصائد يقول فيها
يا راكبين اكوار حيل مصاعيب
اربع بكار حيل من ضمر الهوج
مرباعهن ماحدر التنف تغريب
ومقيظهن عن ديرة الغش بمروج
يلفن لبو فرحان عطب الاصاويب
لا صار بالفرسان زاعج ومزعوج
زيزوم حملات وردن المزيريب
لو تراموا حمر الطواقي بلا صوج
فيصل ترى عاداتنا ناخذ النيب
وخطو الحصان مربع الراس هيوج
فيصل ينشب شاطر السيف تنشيب
ياما فضخ من قلب عاقل وهجهوج
وحنا على قيدور حق وتقضيب
وعند الجلاس مدور الحق مفلوج
اولاد عبدالله هل الفعل والطيب
مهارهم طوعات وارقابهن عوج
ياحيف يافكاك عوج المصاعيب
بين الخويلف والسراجيف مرعوج
يثني قفى اهل الظهور المحاديب
وخلي كما كبش ورا الظعن مريوج
اقفوا مع هذيك التلاع الضنابيب
وخيل العليق مربطات على جوج
وضيف يصدر فضلته للمعازيب
حلقه وسيع ولقمته تقل دحروج
ياحيف ياللي مايداني اللواهيب
يدور بالبلقا عصيدة ومرجوج
من عند ابن شعلان حق وتقاضيب
خذ الوكاد وزايد الهرج مسموج
الأربعاء مارس 19, 2008 4:55 pm
